Ma'lumki, boksning o'ta og'ir vazn toifasidagi «WBA» yo'nalishi bo'yicha jaxon chempionligi titulini qo'lga kiritish uchun xamyurtimiz Ruslan CHagaev va rossiyalik bokschi Nikolay Valuev o'rtasida o'tkaziladigan bellashuv o'zbek bokschisining sog'liqi yahshi emasligi munosabati bilan 5 iyulga qoldirilgan edi. 
Mazkur revansh matchi aslida 31 may kuni Germaniyaning Oberhauzen shaxrida o'tkazilishi rejalashtirilgan edi. Bundan oldinro1 esa CHagaevning ichki nafas yo'llariga virus infekciyasi tushganligi sababli davolanayptgani va ringga chiqmasligi ma'lum qilindi. «Ruslan CHagaev og'ir virus infekciyasini yuqtirgan, — deydi doktor Mikael Enerta. — Tibbiyot atamasi bilan aytganda bu virus laringit va faringitlardan iborat. Kasallikni davolash bokschidan barcha tayyorgarlik mashg'ulotlarini to'htatishni talab etadi».
 
Bir paytning o'zida bokschining sobiq menejeri Taymaz Niyozov «Bild» nemis gazetasiga bergan intervyusida Valuev bilan jangning qoldirishiga yana bir sabab sifatida CHagaevning ko'rish qobiliyati pasayganini xam ko'rsatgan. Uning so'zlariga ko'ra, CHagaevning chap ko'zi deyarli ko'rmay qolgan. 
Bu so'zlarning xaqiqat ekanligini butun boshli shifokorlar guruxi tasdiqlagan. Ular 2001 yilda bokschining chap ko'zini operaciya qilishgan va uning ko'rish qobiliyati xech qachon asliga qaytmasligini ma'lum qilishgan edi. Niyozov bokschining ko'zi bilan bog'liq muammolar Mett Skeltonga qarshi jang chog'ida yuzaga kelganligini xam qistirib o'tgan. qizig'i shundaki, mazkur jangni tashkil etayotgan promouterlik kompaniyasi «Universum» raxbari Klaus-Piter Kol sobiq menejerning mazkur bayonotini rad etgan. Uning so'zlariga ko'ra, CHagaev tibbiy ko'rikdan muvaffaqiyatli o'tgan natijalar esa chempionning «WBA» titulini ximoya qilishi zarurligini ko'rsatmoqda.

Eslatib o'tamiz, mazkur olishuvning mukofot jamg'armasi $4 millionni tashkil etadi. Malumki, CHagaev «WBA» yo'nalishidagi chempionlik titulini Valuevdan 2007 yilning aprel oyida tortib olgan edi. Rossiyalik bokschi o'zbek chempioni bilan ringga chiqish xuquqini (match-revansh) belorussiyalik Sergey Lyahovichni ustidan g'alaba qozongandan keyin qo'lga kiritgan. 

SHuni xam takidlash kerakki, CHagaev xali biror marta xam professional ringda mag'lubiyatga uchramagan. U 24 jangdan 23 tasida mutlaq g'olib bo'lgan bo'lsa, yana bitta jangda olishuv natijasi elon qilinmagan.